Süni intellekt dəstəkli fotoqrafiya və dizayn tətbiqləri günü gündən daha da populyarlaşır. Onlar həm dizaynerlər həm də fotoqraflar üçün işləri daha sürətli və asanlaşdırmaqda, həm də göz oxşayan dizaynlar yaratmaqda effektivdirlər. Bu tətbiqlər haqqında bu yazıda oxuya bilərsiniz.
-
Lensa.
Xüsusilə də Sİ (Süni intelekt, Aİ) avatarlar yaratmaq seçimləri olan bu alət 2023-cü ildə ən çox istifadə olunan süni zəka alətlərindən biri oldu. Sosial şəbəkələrdə çox tez-tez rastlaşdığımız o məşhur avatarların əksəriyyətinin müəllifi olan bu tətbiq həm android həm də IOS platformasında çalışır. İstifadəsi çox asan olan bu tətbiq təkcə avatar üçün deyil, həmçinin arxa fon bulanıqlığı əlavə etmək, arxa fon silmək, xüsusi effektlər və filterlər üçün də istifadə oluna bilər.
-
Remini
Kiçik ölçüdəki bulanıq fotoları və ya köhnə fotoları daha yaxşı hala gətirmək üçün Remini tətbiqini istifadə edə bilərsiniz. IOS və Android tətbiqindən əlavə, Web üzərindən də istifadəyə imkan verən tətbiq həmçinin üz hamarlaşdırma, rəngi daha yaxşılaşdırma kimi imkanlar da tətbiq edir. Remini tək foto deyil, videolar üçün də alətlər təklif edir.
-
Youcam
Youcam tətbiqi fotoları daha kəskin etmək üçün istifadə olunmaqla yanaşı, əlavə bir sıra özəllik təklif edir. Arxa fon silmə, dəyişmə, hətta fotolardan istəmədiyimiz obyektləri silmək kimi imkanları olan bu tətbiq mobil platformada yalnız IOS dəstəklidir. Amma web saytı ilə komputer vasitəsilə də istifadə etmək mümkündür.
-
Wombo
Dream by Wombo. Bu tətbiq bizim verdiyimiz informasiya vasitəsilə tam istəyimizə uyğun AI rəsmlər yarada bilir. Ağlınıza gələcək hər növ rəqəmsal görüntü yarada biləcəyiniz bu tətbiq Android , IOS və Web üzərindən xidmət göstərir.
-
Starryai
Starryai tətbiqi də Wombo kimi açar sözlər qarşılığında istədiyiniz stildə rəqəmsal təsvirlər yaradan növbəti tətbiqdir.